Դիլիջան համայնքի ղեկավարի այցելությունը Լյուքսեմբուրգ

23 հունիսի, 2022

Պետանժի քաղաքապետ Պիեր Մելինայի հրավերով հունիսի 23-24-ը ՀՀ Տավուշի մարզի Դիլիջան համայքի ղեկավար Դավիթ Սարգսյանի գլխավորած պատվիրակությունն այցելեց Լյուքսեմբուրգ։

Ողջունելով հյուրերին` Պետանժի քաղաքապետ Պիեր Մելինան ընդգծեց, որ հայկական պատվիրակությունը ժամանել է երկրի Ազգային տոնի օրը, ինչը հատուկ նշանակություն է տալիս այցելությանը և համոզմունք հայտնեց, որ տեղական մակարդակով համագործակցությունը նոր բովանդակություն կհաղորդի միջպետական հարաբերություններին։

Շնորհակալություն հայտնելով այցելության հրավերի և բացառիկ ջերմ ընդունելության համար` Դիլիջան համայնքի ղեկավար Դավիթ Սարգսյանը նշեց. «Մեզ համար մեծ պատիվ է այցելությունը սկսել Լյուքսեմբուրգի Ազգային տոնի օրը, ինչը խորհրդանշում է այն ջերմությունը, բարեկամությունը, որ ձեր քաղաքը դրսևորել է Դիլիջանի նկատմամբ՝ 15 տարի առաջ, միջոցներ հատկացնելով քաղաքի թիվ 1 դպրոցի հիմնանորգման համար։ Բոլոր դիլիջանցիներն երախտագիտությամբ են հիշում ձեր բարեգործությունը և մենք տրամարդված ենք օժանդակության ծրագրից անցում կատարել փոխշահավետ համագործակցության»։

Այցելության ընթացքում Դիլիջանի պատվիրակությունը հանդիպումներ ունեցավ Պետանժի քաղաքապետի և կառավարման խորհրդի անդամների հետ, մասնակցեց Լյուքսեմբուրգի Ազգային տոնի կապակցությամբ Պետանժում կազմակերպված միջոցառումներին, այցելեց քաղաքային տենտեսության տարբեր ձեռնարկություններ, բովանդակալից քննարկումներ ունեցավ կրթության, մշակույթի, սպորտի և զբոսաշրջության ոլորտում երկու քաղաքների միջև համագործակցության զարգացման հնարավորությունների շուրջ։

Բարձր գնահատելով Պետանժի ղեկավարության ջանքերը երկու երկրների միջև ապակենտրոնացված փոխգործակցության բնագավառում՝ դեսպան Տիգրան Բալայանը Հայաստանի և Լյուքսեմբուրգի միջև դիվանագիտական հարբերությունների 30-ամյակի կապակցությամբ Պետանժի քաղաքապետ Պիեր Մելինային և փոխքաղաքապետ, խորհրդարանի պատգամավոր Ժամ-Մարի Հալսդորֆին պարգևատրեց դեսպանության Պատվո մեդալով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր